<$BlogRSDUrl$>

2004-01-10

Armas chimic trovate in Iraq? 

Milles de lanceabombas ha possibilemente essite trovate in Iraq per truppas danese e islandese a venerdi postmeridie.

Secundo probas initial, le granatas contine tracias de gases vesicular usate in guerras chimic, como gas de mustarda.

Le discoperta es annunciate con photos cliccabile in le sito de Hærens Operative Kommando del armea danese.


2004-01-01

Inventor del Web recipe cavallerato 

Version audio: 272kB MP3

Le scientista anglese Tim Berners-Lee, le inventor del World Wide Web, ha devenite un cavallero. Isto reporta le BBC.

Sir Tim creava le prime navigator del web durante le initio del annos 1990, empleate in le laboratorio de physica de particulas CERN in Geneva (Suissa).

Recentemente ille esseva reunite con le machina, un computator NeXT, con que ille construeva le programma e lo annunciava a 80 scholas participante in un conferentia del NU super le societate de information.

Berners-Lee remane modeste, dicente que su systema hypertextual esseva “simplemente un altere programma” e que su cavallerato sia un exemplo de lo que “gente ordinari” pote attinger laborante a cosas que “per hasardo ha bon resultato”.


Femina salvate per aeroplano plen de doctores 

Version audio: 309kB MP3

Un femina britannic de 67 annos suffrente un attacco cardiac durante un volo transcontinental ex Grande Britannia al Statos Unite habeva multo bon fortuna.

Post un appello urgente pro adjuta medic, non minus de dece-cinque cardiologos saltava in pedes e se hastava a Dorothy Fletcher, salvante su vita.

“Io volerea regratiar les ma io ha nulle idea de lor identitates, excepte que illes esseva in via a un conferentia in Orlando”, diceva Sra. Fletcher.

Post cinque dies in le hospital, illa poteva totevia attinger le objectivo original del volo, le maritage de su filia.


Interlingua de IALA
Circulo de Interlingua
This page is powered by Blogger. Isn't yours?