<$BlogRSDUrl$>

2003-08-18

Saddam: 'nulle prova de menacia' 

Le dossier de informationes que formava le base del justification per le prime ministro britannic Tony Blair pro le attacco contra Irak contineva nulle prova que ex le regime de Saddam Hussein emanava un menacia al mundo.

Isto ha monstrate un e-mail per le chef de cabinetto Jonathan Powell adressate a un alte functionario de securitate, que esseva revelate hodie ante le commission investigante le morte del experto de armas Kelly.

Irak habeva "le medios ma non le motivo pro attaccar su vicinos, multo minus le Occidente", scribeva Powell. Blair diceva ante le guerra al populo britannic que le programma de armas irakian sia "un periculo grande e acute al pace".


2003-08-13

Villages subaquatic revelate 

Le evaporation de aqua causate per le unda de calor ha revelate restantes de ancian villages in le laco artificial Edersee in le stato federal german Hessen.

Le villages dispareva in le aqua al creation del laco in 1914, ma es ora de novo visibile a causa del basse nivello del aqua.

Le secunde plus grande laco de Germania, con capacitate de 202 milliones de metros cubic, perde 1,5 milliones m2 de aqua per die. Le nivello es ora reducite a 84 milliones m2.

Le villages subaquatic, includente un cemeterio e un ponte, attrahe multe touristas. Le juvenes usa le ponte como planca de salto.


2003-08-10

Maritage interspatial 

In le prime nuptias cosmic in le historia, le cosmonauta russe Yuri Malechenko ha hodie dicite "si" a su nove sposa Yekaterina Dmitriev per telephono spatial ab le Station Spatial International (ISS).

Le americana audiva le affirmation in le centro del Agentia Spatial Nordamerican (NASA) in Houston.

In preparationes laboriose e tense, le costume e anello matrimonial esseva inviate al ISS per rocchetta.

Ben que le russos sentiva feritate in iste primitia national, le agentia spatial russe ha nulle intention de repeter le exercitio.


Humorismo explosive 

Un copilota de Air France esseva immediatemente arrestate heri vespere al aeroporto JFK in New York, post que ille burlava durante le interrogation de securitate que ille habeva un bomba in le calceo.

Su volata esseva cancellate e le 350 passageros debeva pernoctar in New York ante de poter partir.

Le pilota sta ora accusate de dar un declaration false, un crimine que pote lassar le in prision durante septe annos al maximo.


Interlingua de IALA
Circulo de Interlingua
This page is powered by Blogger. Isn't yours?